| Akkordeon | |
|---|---|
| ängl.: Accordion, ital.: Fisarmonica | |
 | |
| Klassifikation | Äärofoon, Dasteinstrumänt, Handzuuginstrumänt |
| Donumfang | F1 bis a3 |
| Verwandti Instrumänt | Bandoneon, Konzertina, Harmonium, Mundharmonika |
S Akkordeoon (au Handorgle, Harmonika) isch e Handzuuginstrumänt. Dr Schbiiler erzügt mit em Bloosbalg, won e groosse Dail vom Instrumänt usmacht, e Luftstroom. Mit Hilf von ere Dastatuur stüürt er die Luft über Zunge, wo duureschlöön, und die fönge denn frei afo schwinge. Das erzügt Döön.
S Akkordeoon isch e sälbstklingends Underbrächigs-Äärofoon. Hützudags zelt mä alli Handzuuginstrumänt, wo d Dastatuur uf dr rächte Site, em Diskant, in ere abgwinklete Form aagmacht isch, zu de divärse Akkordeoonarte. Die Aaordnig vo dr Dastatuur goot uf die erste Wiener oder die erste franzöösische Instrumänt zrugg.
Die verschiidene Tüpe vo dr Konzertina, wie zum Bischbil s Bandoneon, häi, im Geegnsatz zum Akkordeoon, käi abgwinkleti Dastatuur.