| Alpenrheintal | ||
|---|---|---|
 S Rhiindaal im Überblick mit de Alpe im Hindergrund und em Boodesee im Vordergrund | ||
| Laag | Graubünde, Sanggalle (Schwiz), Liechtestäi, Vorarlbärg (Ööstriich) | |
| Gebirg | Glarner Alpe, Appezäller Alpe, Blessuuralpe, Räätikon, Bregänzerwaldgebirg | |
| Geographischi Laag, (CH) | 47° 8′ 16″ N, 9° 30′ 34″ O (757076 / 222819) | |
| ||
| Tüp | Daallandschaft | |
| Hööchi | 604 m bis 394 m ü. M. | |
| Lengi | 90 km | |
| Gwässer | Hauptfluss: Alperhii Zueflüsse: Plessuur, Landquart, Tamina, Ill, Frutz Binnekanääl: Rhiidaaler Binnekanaal, Vorarlbärger Rhiidaalbinnekanaal, Wärdebärger Binnekanaal Sustigi: Alte Rhii (Diepoldsauer Durstich), Alte Rhii (Fuessacher Durstich), Bregänzer Ach, Dornbirner Ach | |
| Klima | Allgemäin milds Klima. Föönlaage, wo schlächts Wätter verhindere. Summer bis 36 °C, Winter bis −12 °C. | |
| Nutzig | Landwirtschaft, KMU, Industrii, Banke. | |
| Bsundrigs | In drei Staate: Schwiz, Liechtestäi, Ööstriich | |
S Alperhiidaal isch e Daallandschaft in de Alpe. Es befindet sich in drei Staate. Vo dr Schwiz über s Fürstedum Liechtestäi, e Bitz in Ööstriich im Bundesland Vorarlbärg goot s zum Boodesee und lauft östlig im Bregänzerwaldgebirg us und westlig in de Uslöifer vo de Appezäller Vooralpe. S Gebiet goot em Alperhii nooch, im Beriich wo dr Vorder- und dr Hinderrhii zämmefliesse bis zur Mündig in Boodesee, über e Lengi vo mee as 90 km. S nördlige und s südlige Ändi vom Alperhiidaal isch dicht besiidlet. Die mäiste Lüt lääbe im Vorarlbärger Rhiidaal. Die bekanntiste Ortschafte im Alperhiidaal si Bregänz, Khuur und Vaduz.
Noch ere Studie isch d Regioon Rhiidaal e Topstandort für Hoochtechnologii in Öiropa. 1208 Regioone in dr Europääische Unioon si bewärtet worde und d Regioon Rhiidaal isch uf e Blatz nüün choo, hinder acht irische Regioone, was nit zletzt uf d Nööchi zum Vorarlbärg zruggzfüere isch.[1]
- ↑ Der Rheintaler: Das Silicon Valley der Feinmechanik (Memento vom 12. Dezämber 2013 im Internet Archive)