Amt Schenkenberg

s Schloss Wildestäi, dr Sitz vo de Obervögt vo Schänkebärg vo 1720 bis 1798
die bärnische Ämter im Aargau

S Amt Schänkebärg isch e Landvogtei im Aargau in dr Alte Äidgenosseschaft gsi.

D Herrschaft Schänkebärg isch sit 1451 im Besitz vo dr Familie vo Baldegg gsi. S Amt isch im Joor 1460 entstande, wo Bärn d Herrschaft bsetzt het, wo bis denn unabhängig gsi isch. D Bärner häi drus e Landvogtei gmacht, wo as Oberamt Schänkebärg d Ämter Thale, Däischbere, Välte, Bäze, Bözbärg, Stilli und Hottel umfasst. Dr Landvogt het bis 1720 uf dr Burg Schänkebärg im Hauptort Thale residiert. Denn isch er ins Schloss Wildestäi bi Velte ganz in dr Nööchi züüglet.[1]

S Amt Schänkebärg isch für d Bärner Herrschaft von ere hooche strategische Bedütíg gsi, wil dr Bözbärg dört e wichdige Bass ins Frickdaal gsi isch, wo denn zumol zu Vorderööstriich ghöört het. Wo d Franzoose d Schwiz im Merz 1798 erooberet häi, isch s Amt Schänkebärg ufglööst worde.

  1. ↑ Schloss Schenkenberg in Thalheim uf swisscastles.ch