Dr Bachelor ([ˈbætʃəlɚ] oder [ˈbætʃlɚ], au Bakkalaureus oder Baccalaureus [m.] bzw. Bakkalaurea oder Baccalaurea [f.]) isch dr niidrigst akadeemisch Graad[1] und üübligerwiis dr erst Abschluss vom ene gstuefte Studium an ere Universidäät oder gliichgstellte Hochschuel, Fachhochschuel oder Bruefsakademii. E Bachelor-Studiegang isch mäistens drei bis vier Joor (6–8 Fachsemester) lang, je noch dr Art vom Fach und dr Leeraastalt. Dr Bachelor kwalifiziert für e grundleegendi Bruefsdäätigkäit, für e witerfüerends Masterstudium und in bsundrige Usnaamefäll für d Ufnaam vom ene Promozioonsstudium (änglisch Fast-Track-Promotion).[2]
S Wort Baccalaureus underschäidet sich in sinere Bedütig vom Wort Baccalaureatus, wo in e baar Länder dr äi- bis zwäijöörig postgraduaal akadeemisch Graad Bachelor with Honours (Baccalaureatus cum Honore) bezäichnet.
- ↑ usser in de USA und Kanada → Associate of Arts
- ↑ Universität Düsseldorf: Fast-Track Promotion. (Nicht mehr online verfügbar.) Archiviert vom Original am 4. August 2019; abgruefen am 4. August 2019. Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
