D Chinstlerverainigung Badische Secession isch anne 1927 vum Alexander Kanoldt un em Karl Hofer z Fryburg grindet woore. Mitgliider sin u. a. dr Karl Albiker, dr Emil Bizer, dr Rudolf Großmann, dr Max Eichin, dr Adolf Riedlin, dr Adolf Strübe, dr Rudolf Kreuter, dr Josef Huggle, d Gertud P. Leonhard un dr Wladimir von Zabotin gsii.
Drotz ass si in ire Bilder dr baadische Kultuurlandschaft verbunde gsii sin, hän si si mit ire modäärne Moolerei dytli abgsetzt vu dradizionälle Haimetmooler wie z. B. em August Gebhard. Si hän aigeni Uusstellige gmacht, aber au as Gruppe bi andere Uusstellige mitgmacht.[1]
Anne 1936 isch d Chinstlerverainigung im Zuug vu dr nazionaalsozialistische Glyychschaltig ufgleest woore. Noch em Zweete Wältchrieg widerbeläbt, isch si anne 1947 mit ire „Siebenten Ausstellung“ un 1951 mit ere „VIII. Ausstellung“ nomool an Effetligkait drätte.