Dr Barock isch e Epoche und Ströömig in dr öiropäische Archidekduur und Kunst, wo vo öbbe 1575 bis 1770 gange isch. Vor em Barock isch die kultuurgschichtligi Epoche vo dr Rönessãns gsi, noch em isch dr Klassizismus choo.
In dr Kunstgschicht wird zwüschen em Früebarock (öbbe 1600–1650), Hoochbarock (öbbe 1650–1720) und Spootbarock oder Rokoko (öbbe 1720–1770) underschiide.
Dr Barock isch d Kunstform vom Absolutismus und vo dr Geegereformazioon. Er isch kennzäichnet dur üppigi Brachtentfaltig. Vo Italie us het er sich zerst in de katholische Länder vo Öiropa usbräitet, bevor er sich in ere veränderete Form au in brotestantische Geegende duuregsetzt het.