| Dialäkt: Aargauertütsch |
S Zùùrzibiet oder amtlich de Bezirk Zurzach isch en Bezirk im Kanton Aargau i de Schwiiz. S Zùùrzibiet isch ganz im Nordoschte vom Kanton. Hauptort isch Zùùrzi. De Bezirk hät 15 Iiwohnergmäinde, isch 130,01 km² grooss und hät 35'041 Iiwohner (Ändi 2020).
S Zùùrzibiet liit zwösched Züri un Basel, am Zämefluss vo der Aare un em Rhy. Im Norde isch de Rhy d Gränze zu Tütschland (Landchräis Waldshuet).