Brunnadern SG

Brunnoodere isch e Dorf i de Gmaind Neggertaal im Toggeburg. S litt im lingge Uufer fom Negger ufere Hööchi vo 655 müM. S het e Baahoof fo de Südostbaa. Grad bim Baahoof foot de langi Isebaatunel noch Liestig aa. Z Bunnoodere und i de Umgebig gits no vill typischi und guet erhaltnigi Toggeborgerhüser, wo usem 18. oder sogär 17. Joorhundert stamid. Di reformiert Cherche vo Brunnoodere isch vo 1763 bis 1765 vom Johann Ulrich Grubenmann baut wore. D Holzbrugg wo bim Dorff öber de Negger goot isch ane 1784 baut wore.

Zerschtmool gnennt werd de Ort ane 1377 as Brunadran. Vo 1803 bis 2008 isch Brunnoodere en aigni Gmaind im Bezirk Nöütoggeborg gsii und hett sich denn mit Mogelschberg und Peeterzell zo de Gmaind Neggertaal zämegschlosse.