Darmstadt

Wappe	Dütschlandcharte
	49.8666666666678.65144Koordinate: 49° 52′ N, 8° 39′ O
Basisdate
Bundesland:	Hesse
Regierigsbezirk:	Darmstadt
Höchi:	144 m ü. NHN
Flächi:	122,2 km²
Iiwohner:	162.243 (31. Dez. 2022)[1]
Bevölkerigsdichti:	1327 Iiwohner je km²
Poschtleitzahle:	64283–64297
Vorwahle:	06151, 06150 (Wixhause)
Kfz-Chennzeiche:	DA
Gmeischlüssel:	06 4 11 000
LOCODE:	DE DAR
Stadtgliderig:	9 Stadtdail
Adress vo dr Stadtverwaltig:	Luisenplatz 5 64283 Darmstadt
Webpräsenz:	www.darmstadt.de
Oberburgermeischter:	Hanno Benz (SPD)
Lage vu Darmstadt z Hesse

Darmstadt isch e chraisfreji Stadt im Side vu Hesse, Verwaltigssitz vum Regierigsbezirk Darmstadt un vum Landchrais Darmstadt-Dieburg. D Stadt ghert zum Rhy-Main-Biet un bildet ais vu dr zeh Oberzäntre vum Land Hesse. Darmstadt isch no Frankfurt am Main, Wiesbaden un Kassel di viertgrescht Stadt vum Land Hesse. Di negschtglägene greßere Stedt sin Frankfurt am Main, rund 30 km nerdli, Wiesbaden un Mainz, rund 40 km nordweschtli, Mannem, rund 45 km un Haidelberch rund 55 km sidlig.

Ihri Bedytig as Wisseschaftsstadt – dää Titel isch ere 1997 vum Hessische Inneminischterium verlähnt wore – verdankt si dr 1877 grindete Tächnische Universitet un dr boode Hochschuele (h_da), EHD) mit insgsamt rund 35.700 Studänte, un au dr iber 30 wytere Forschigsyyrichtige un Inschtitut, dodrunter s Helmholtzzäntrum fir Schwärioneforschig, s Europäisch Ruumflugkontrollzäntrum (ESOC), di Europäisch Organisation fir d Nutzig vu meteorologische Satellite (EUMETSAT) un drei Inschtitut vu dr Fraunhofergsellschaft. Derzue chemme großi Firmine un Yyrichtige vu dr Kommunikations- un IT-Branche, wu aagwändti Forschig un Entwicklig bedryybe.

Dr Ruef vu Darmstadt as Zäntrum vum Jugedstil goht uf di anne 1899 vum Großherzog Ernst Ludwig yygrichtet Chinschtlerkoloni uf dr Mathildenhöhe zruk.

1. ↑ Hessisches Statistisches Landesamt: Bevölkerung in Hessen am 31.12.2022 nach Gemeinden (Landkreise und kreisfreie Städte sowie Gemeinden, Einwohnerzahlen auf Grundlage des Zensus 2011).