| Dorenbach | ||
 Dr Doorebach bir ehemalige Schiessanlag Allschwiler Weiher | ||
| Date | ||
|---|---|---|
| Laag | Kanton Basel-Landschaft, Kanton Basel-Stadt; Schwiz | |
| Flusssystem | Rhii | |
| Abfluss über | Birsig → Rhii → Nordsee | |
| Quelle | im Allschwiler Wald zwüsche Oberwil, Biel-Bänke und Allschwil 47° 31′ 40″ N, 7° 32′ 36″ O | |
| Mündig | bi Binnige in BirsigKoordinate: 47° 32′ 27″ N, 7° 34′ 34″ O; CH1903: 610348 / 265584 47° 32′ 27″ N, 7° 34′ 34″ O | |
| Iizugsgebiet | 7,5 km² | |
| Dialäkt: Baseldütsch |
Dr Doorebach isch e chliine Nääbefluss vom Birsig. Si Kwelle isch im ene Lössgebiet im Allschwiler Wald zwüsche Oberwil, Biel/Bänke und Allschwil, e baar Kilometer südwestlig vo Basel. Er bildet zum e groose Däil d Kantonsgränze zwüsche Basel-Stadt und Basel-Landschaft. Er mündet in dr Nööchi vo dr Kantonsgränze in Birsig, wo denn dur Stadtbasler Gebiet foot afo fliesse, kweer dur e Zolli. Mä säit, dr Naame chiem vom Doornegstrüpp am Flussufer nooch.
Ursprünglig isch dr Doorebach nordwärts dur Allschwil gflosse, wo dr Allschwilerbach in en iinegflosse isch, und isch denn diräkt in Rhii gmündet. 1873 het mä Ärde ufgschüttet und d Schützematte iigrichdet und dr Fluss isch underhalb vo Binnige in Birsig umgläitet worde. Si Iizugsgebiet isch hüte öbbe 7.5 Kwadratkilometer grooss.
Grad dört wo dr Doorebach in Birsig mündet, befindet sich s Doorebachwiadukt.
|
Dä Artikel basiert uff ere fräie Übersetzig vum Artikel „Dorenbach“ vu de dütsche Wikipedia. E Liste vu de Autore un Versione isch do z finde. |