Dreyeckland

„Dreyeckland“ isch e Wertel, e Nàmme, e altrnàtiv Bzeichnung fr d´ Gejend, de Region uem`s Dreiländereck Ditschlànd-Frànkrich-Schwiz, de Stell, wo sich de Granze vun de drei Noochbersländr, de drei Nàtionalstaate treffe. Àn sellr Stell kumme nàdirli öi de drei (Granz-, „Eck“-)Regione zsàmme: `s Elsàss, (Süd-)Bade un d´Nordwestschwiz. Vil Lit üss dene Gebiit finde, ass se meh vrbéndt, als trennt. - Was de Inwohner vun dere Region zeàllrerscht gmeinsam hàn, isch ass si alemannischi Mundarte schwätze - über d Gränze ewäg. Au wenn`s Wertel ém Kern vum Ländel, àm Eck ehndr „Dreyeggland“ gschriwwe wérd. Àwwr niemr weiss wirkli, wi wit diss Ländel geht, wii gross`s ésch!

Ä wichtige Impuls fir´d Idee vum Dreyeckland isch üsem Elsiss kumme. S „Dreyeckland-Lied“ vum François Brumpt üsem Johr 1976 isch eins vun de wichdigschde Lieder üsem Wyhl-Proteschd gsi.

"Mir keije mol d Gränze über de Hüfe und danze drum erum" François Brumpt 1976

S´Lied verzellt die Gschichd vun de Mensche und vun de Herre am Rhin. Innere Zit, wu ma an alle Grenze noch kontrolliert worre isch, isch des Lied fir de Traum vum Dreyeckland und vum e Europa ohni Grenze gschdande.

Zum Gfüehl vo de alemannischsproochige Bevölkerigsdeil in dene drei Gebiet, ass si öbbis gmeinsam hai, het au e gmeinsami Umwält- und Anti-Atomchraft-Bewegig biidrait. S freie Radio Dreyeggland isch zerst as Piratesänder us dr Anti-Atomchraft-Bewegig entstande und isch jetzt scho sit meh as 25 Johr im Bedriib. Es isch s eltiste nit-kommerzielle private Radio z Dütschland.

Sit vile Johr bestoht in de Landesdeil e Hoffnig uf e regionalpolitischs Zsämmewachse im Europa vo de Regione, so dass mä e gmeinsami Wirtschafts-, und Struktur- und Umwältpolitik cha mache.