En Ellipse isch e spezielli gschlossnigi owali Kurve. Si isch äini vo de Chäigelschnitt, die andere si d Parable, d Hyperble, dr Kräis, und in spezielle Fäll dr Punkt, die graadi Linie oder zwäi graadi Linie, wo sich chrütze.
In dr Natur chömme Ellipse zum Bischbil in dr Form vo ungstöörte keplersche Blaneetebaane um d Sunne vor. Au bim Zäichne git s vilmol Ellipse, wil e Kräis dur e Parallelbrojekzioon im Allgemäine uf e Ellipse abbildet wird.
D Ellipse (vo griechisch ἔλλειψις élleipsis ‚Mangel‘) isch vom Apollonius vo Perge iigfüert worde. Är het ere dr Naame gee, wo sich uf d Exzentrizidäät beziet.[1]
-
Definizioon vo dr Ellipse as Punktmängi: D Strecki vo äim Brennpunkt zum Rand vo dr Ellipse und witer zum zwäite Brennpunkt isch immer gliich lang. -
Drei Arte vo Chäigelschnitt:
1. Parable
2. Kräis und Ellipse
3. Hyperble -
D Ellipse as affins Bild vom Äihäitskräis
- ↑ I. N. Bronstein, K. A. Semendjajew (Begründer), Günter Grosche (Bearb.), Eberhard Zeidler (Hrsg.): Teubner-Taschenbuch der Mathematik. Teubner, Stuttgart 1996, ISBN 3-8154-2001-6, S. 24.