|
Dä Artikel behandlet e Region z Grossbritannie. För anderi Bedütige lueg under England (Begriffsklärig) |
| England | |||
|---|---|---|---|
 Wo Ängland im Veräinigte Königrych lyt Wo Ängland im Veräinigte Königrych lyt | |||
| Symbole | |||
| |||
| Basisdate | |||
| Staat | Vereinigtes Königreich | ||
| Landesteil | England | ||
| Hauptstadt | London | ||
| Flechi | 130.395 km² | ||
| Iiwooner | 55.977.178 (2018[1]) | ||
| Dichte | 429 Einwohner pro km² | ||
| Wirtschaft | |||
| BIP | 1.200 Mrd. € (4.) (Schätzung 2002) 24.503 € (13.) pro Chopf | ||
Koordinate: 52° 29′ N, 1° 34′ W
Ängland isch e Deil vom Vereinigte Kenigrych. Mit sinne 130.000 km² isch es dr Hauptdeil vom Kenigrych. Es läbe dert au yber 85 % vu dr Brite, eppe 56 Millione (2018). Geografisch gsee isch es dr gröscht Deil vo dr Insle Grossbritannie.
Andersch as Schottland, Wales und Nordirland isch Ängland aber ekäi politischi Gebietskörperschaft, s isch äifach e hischtorischi und emotionali Landschaft. Di traditionell änglischi Hauptstadt isch London. Immerhin gits Gsetz, wo nu z Ängland gälted, aber die erlaat s Parlamänt vom Veräinigte Königrych – en änglischs Parlamänt gits nöd. Di andere, autonome Regione händ degäge äigeni Parlamänt und chönd drum au äigeni Gsetz erlaa. Nu für di anglikanisch Chile, wo z Ängland d Staatschilen isch, isch es würkli e Gebietskörperschaft. Ängland hät au en äigene Faanen (s root Georgschrüüz uf wyssem Grund) und en äiges Wappe (drei goldigi Löien uf rootem Grund).
Wil England dr Rest vu Grossbritannie eroberet (Wales, Nordirland) oder mit em fusioniert (Schottland) het, wirds – zum Leidwese vu dr Waliser und vor allem vu dr Schotte – hüffig umgangssprochlich mit Grossbritannie gliichgsetzt.