|
Dä Artikel bezieht sich uf e Schriftsteller Ernest Hemingway. Witeri Bedütige vo Hemingway findsch do. |
Dr Ernest Miller Hemingway (* 21. Juli 1899 z Oak Park, Illinois; † 2. Juli 1961 z Ketchum, Idaho) isch eine vo de erfolgriichste und bekanntiste amerikanische Schriftsteller im 20. Johrhundert gsi. 1953 het er dr Pulitzer-Briis und 1954 dr Literaturnobelbriis für si Novälle «Der alte Mann und das Meer» übercho.
Dr Hemingway isch nit nume Schriftsteller gsi, sondern au Reporter und Chriegsbrichterstatter, Abentüürer, Hochseefischer und Grosswildjeger, was sich in siim Wärk niidergschlage het.