| Dialäkt: Baseldytsch |
Dr Europa-Park z Ruescht isch mitere Gsamtflächi vo rund 950'000 Quadratmeter dr gröschti Freizitpark vo Dütschland. S Europa-Park-Resort ligt noch vo dr Gränze zu Frankrych. Im Johr 2016 hän über 5,5 Millione Mensche dr Europa-Park bsuecht. Mit däm isch är dr Freizitpark mit de meischte Bsuecher uf dr Wält. In 18 Themeberych, drunter 15, wo uf Länder bezoge si, findt mä über 120 Attraktione und e Reie Shows. Zum Park khöre au füf Erläbnishotel und e Kino.
Als Signet hät de Europa-Park de Schriftzuug „EUROPA PARK“ mit gäle Buechstabe uf blauem Grund. Zmitzt über de beide Wörter sind drü Stärne, wo mit ihrne Zacke Flügelbewegige aadüted. D Erkennigsfigur isch d Euromuus.
