D Fridiburga isch d Töchter vom alemannische Herzog Gunzo gsii.
Si isch mit em Merowingerkönig Sigibert III. (638-656) verlobt gsii, aber vorem Hochzig isch si chrangg wore. De Sigibert het drufabe zwee Bischöf gschiggt, um si vo de Dämoone z bifraie, wanene aber nöd glungen isch. Drufabe isch de Hailigi Gallus uf Überlinge an Hoof vom Herzog Gunzo cho und hett d Fridiburga ghailt. Si isch denn an Hoof vom Sigibert II. z Metz gfaare wore. Dai isch si aber usem Königspalast gfloche in Dom St. Stephan. Uf Aaroote vo de Bischöff hett denn de Sigibert uf d Ehi verzichtet und drufab ane 646 d Chimnechild ghüroote. D Fridiburga het z Metz im Chloster St. Peter as Nonne glebt und isch dai Äbtissi wore.