Dr Gotthold Ephraim Lessing (* 22. Januar 1729 z Kamenz, Markgroofdum Oberlausitz; † 15. Februar 1781 z Braunschweig) isch e bedütende Dichter vo dr dütsche Ufkläärig gsi. Mit sine Drame und sine theoretische Schrifte, won er din vor allem Toleranz bredigt het, het dä Ufkläärer dr witere Entwicklig vom Theater dr Wääg zäigt und die dütschi Litratuur noochhaltig beiiflusst. Dr Lessing isch dr erst dütsch Dramatiker, wo s Wärk von em bis hüte ununterbroche in de Theater ufgfüert wird.