Dr Gottlieb Fischer (* 15. März 1867 z Alteburg bi Brugg; † 5. Juli 1962 z Minusio) isch e Schwiizer Schriftsteller gsi.
Wie sin Vatter, wo au Gottlieb Fischer gheisse hät, isch au är Lehrer worde. Er het im Aargau i de Schuele vo Faarwange, Chaiserstuel und Aarau gschaffet.
Dr Fischer isch e bekante Autor vo Theater und Fäschtspiil gsi. Und er het au e Deil vo sine Wärch i dr Mundart ufgschribe.