Gregor XIII.

dr Gregor XIII., Porträt vu dr Lavinia Fontana
Woobe vum Papscht Papst Gregor XIII.

Dr Gregor XIII. (burgerli Ugo Boncompagni; (* 7. Jänner 1502 z Bologna; † 10. April 1585 z Rom) isch Papscht vu 1572 bis 1585 gsii.[1][2][3]

Dr Gregor XIII. isch anne 1539 in dr Dienscht vu dr Chilche drätte. 1558 isch er Bischof vu Vieste un 1565 Kardinal wore. Am 13. Mai 1572 isch er im Konklave innerhalb vu weniger wie 24 Stund zum Papscht gwehlt. Dr Papstname, wu scho syt 150 Johr nimi brucht woren isch, het er gwehlt, wel er am Feschtdag vum Hl. Gregor I. Kardinal woren isch. Dr Gregor XIII. het d Wisseschaft un d Bildig gferderet, dr Kaländer reformiert, het si drum bemiet, verloreni Biet vum Chilchestaat wider z gwinnen un isch aini vu dr zäntrale Figure vu dr Gegereformation gsii. In sy Pontifikat fallt d Bartholomäusnacht z Frankrych, wun er uusdrickli begrießt het.

  1. ↑ Friedrich Wilhelm Bautz: GREGOR XIII., Papst. In: Biographisch-Bibliographisches Kirchenlexikon (BBKL). Band 2, Hamm 1990, ISBN 3-88309-032-8, Sp. 323–325.
  2. ↑ Michael Ott: Pope Gregory XIII (UGO BUONCOMPAGNI).. In: Catholic Encyclopedia, Band 7, Robert Appleton Company, New York 1910 (änglisch)
  3. ↑ Geburtsdatum 7. Jänner no dr Aagab vu BBKL un CE, DBI un Enciclopedia dei Papi nänne dr 1. Jänner as Geburtstag.