De Hephaistos (altgriech. Ἥφαιστος, Hēphaistos; tütsch: Hephäst) isch de griechisch Schmiidgott. Er het nöd nume Waffe för d Götter und Helde gschmidet sondern au d Frau Pandora. d römer henden mitem Volcanus gliichgsetzt.
De Hephaistos isch de Soo vom Zeus und vo de Hera. Woner uf d Welt choo isch und d Hera gmerkt hett, aser humplet, hetsi en vom Himmel abegschmisse. Er isch uf d Insle Lemnos abeghait. Us Raach het er e Chettle gmacht und a de Hera gschenkt. Do het sich die Chettle um d Hera gwicklet und si gfesslet. Verhürüütet isch er mit sinere Halbschwöster Aphrodite, doch die het en onöd möge, weler humplet und e dreckige Schmiid isch. Drom het si de Chrieggott Ares as Liebhaber gnoo und vo dem au Chinder öbercho.