Dr Höibärg isch e Strooss in dr Altstadt vo dr Schwizer Stadt Baasel und dr Naame vo dr Erheebig, wo d Strooss druf lit. Si foot bim Spaalebärg aa und verlauft öbbe parallel zum Lienertsgraabe, em alte Stadtgraabe vor dr Innere Stadtmuure.
Uschnitt us dr Stadtaasicht vom Matthäus Merian em Eltere im 17. Joorhundert[1] 1: s Innere Spaaledoor 2: dr Spaalebärg 3: dr Höibärg 4: dr Underi Höibärg 5: dr Gämsbärg 6: dr Leonhardgraabe 7: s Trillegässli 8: d Schnaabelgass 9: dr Noodlebärg 10: d Rosshoofgass 11: dr Spiesshoof 14: s Lienertsklooster
Der Naame Höibärg erinneret draa, ass es früener dört e Hufe Schüüre und Ställ ghaa het. Au hüte het dä Däil vo dr Altstadt non e bitzeli dr Charaggter vom ene Dorf.[2]
