Dr Begriff Integrazioon chunnt vom latiinische integratio (Ernöijerig) und bedütet in dr Soziologii d Usbildig
- von ere Wärtgmäinsamkäit mit eme Iibezug vo Grubbierige, d zerst oder nöierdings anderi Wärthaltige verdräte, oder
- von ere Lääbens- und Arbetsgmäinschaft mit eme Iibezug vo Mensche, wo us de verschiidenste Gründ vo dere usgschlosse (exkludiert) und däilwiis in Sondergmäinschafte zsämmegfasst worde si.
D Integrazioon hebt dr Zuestand vo dr Exklusion und dr Separazioon uf. Integrazioon beschribt e dünamische, lange und seer differenzierte Brozäss vom Zsämmedue und Zsämmewaggse. Dr Gegebegriff zu däm isch Desintegrazioon. D Integrazioon wird au as e Form vo dr Akkulturazioon aagluegt.