|
Dä Artikel behandlet s Konzept vom Islamische Staat. Für anderi Bedütige vom Begriff «Islamische Staat» lueg doo. |
Dr Islamisch Staat (arabisch الدولة الإسلامية, DMG ad-daula al-islāmīya) isch e theokratischs Konzept, wo sit dr Middi vom 20. Joorhundert e groossi Rolle im islamische politische Dänke spiilt, bsundrigs im Islamismus.[1]
Dunkelgrüen: Islamischi Staate, wo d Scharia Däil vom staatlige Rächtswääse isch
Hellgrüen: Staate wo dr Islam Staatsreligion isch
Blau: Staate mit ere sekulare Verfassig
Orangsch: anderi
E Hufe gegewärtigi Staate, wo für sich in Aaspruch näme, en islamische Staat zu verwirklige, bezäichne sich sälber as Islamischi Republik. E spezifisch islamischi Staatsform git s allerdings nit. As Merkmol vom ene islamische Staat gältet hüte mäistens, ass er d Aawändig vom islamische Rächt, dr Scharia, gwäärläistet. Das isch vilmol s Merkmol, wo mä mit em zwüsche islamische und dene Staate underschäidet, wo d Muslim zwar d Meerhäit bilde und wo vo dr islamische Kultur brägt si, wo aber unter ere sekular-nazionalistische Füerig stöön. Aber vilmol wird e son e Definizion nid aagwändet; so bezäichnet d Organisazioon für Islamischi Zämmenarbet alli iiri Mitgliider as „islamischi Staate“.[2]
- ↑ Armin Pfahl-Traughber: Islamismus – Was ist das überhaupt? Definition – Merkmale – Zuordnungen. Bundeszentrale für politische Bildung, 9. September 2011 im Portal bpb.de, abgrüeft am 11. Oktober 2014.
- ↑ Johannes Reissner: Islam in der Weltgesellschaft. Wege in eine eigene Moderne. SWP-Studie, Stiftung Wissenschaft und Politik, Deutsches Institut für Internationale Politik und Sicherheit, Berlin 2007, ISSN 1611-6372, S. 22 ff. (online, PDF)