Kabinett Siebert

S Kabinett Siebert isch vum 12. April 1933 bis 1. Novämber 1942 d Landesregierig vu Bayern gsii.

S Kabinett Siebert isch noch em kommissarische Kabinett von Epp (NSDAP) chuu. Dr glychgschaltet Bairisch Landdag isch am 28. un 29. April 1933 zum letschte Mol zämechuu un het s Gsetz „zur Behebung der Not des bayerischen Volkes und Staates“ bschlosse, also e Ermächtigungsgsetz zue Gunschte vum Kabinett, wu si dr Landdag sälber dermit iberflissig gmacht het. Är isch derno nimi yygruefe wore. Dr Siebert isch am 1. Novämber 1942 gstorbe. Wel dr Adolf Wagner ab em Juni 1942 noch eme Schlagaafall amtsuufähig gsii isch, isch dr Paul Giesler Noofolger wore un het au d Gschäft vum bairische Inneminischterium un vum Kultusminischterium wytergfiert, wu bishär im Kabinett Siebert em Wagner syni Ämter gsii sin.