Dr Kanal vo Korinth (gr. Διώρυγα της Κορίνθου) isch ä künschdlige Wasserwäg dur ä Isthmus vo Korinth, wo dr Saronisch Golf im Oschde mit em Golf vo Korinth im Weschde verbindet. Er isch 1893 baut worde und isch 6.300 m lang, ä Wiiti vo ä chlii meh as 20 m und het ä Diefi vo 8 Meter. Er isch zu siiner Ziit für d Häfe vo Isthmia am Saronische und Posidonia am Korinthische Golf vo groosser Bedütig gsi und für dr griechisch Handel vo Vordeil, wil er dr lang Umweg um d Halbinsle Peloponnes gschbart het. Hützudag isch er vor allem für Turischte intressant.