| Krum Khan | |
|---|---|
| Chan vo Bulgarie | |
 | |
| Regierigsziit | 803–814 |
| Gstorbe | 13. April 814 |
| Dodesort | Konstantinopel |
| Vorgänger | Kardam |
| Nochfolger | Omurtag |
| Verhürotet mit | umbekannt |
.png)
Dr Krum († 13. April 814 z Konstantinopel) isch vo 803 bis 814 Chan vom Erste Bulgarische Riich gsi. Er isch dr Noochfolger vom Khan Kardam gsi.
Under em Khan Krum isch s Bulgareriich vo dr Gränze vom Riich vom Karl em Groosse im Weste bis fast an d Muure vo Konstantinopel im Oste gange. In siner Regierigszit häi d Franke vom Nordweste us und d Bulgare vom Südoste s Awarische Khanat zerstöört. Dr Khan Krum het 807 die bäide bulgarische Riich uf em Balkan, wo bis denn dur s Gebiet um d Via Militaris drennt gsi si, veräinigt. Im Norde het er s Gebiet vom Riich bis zur Theiss erwiteret und im Oste bis zum Fluss Dnestr (in dr hütige Ukraine). Bulgarie isch mit däm zu äim vo de drei mächdigste Staate in Öiropa worde.