Lebensstandard

S Fliege ghöört au hüte no zum hööchere Lääbensstandard in de Industriiländer. Es git aber Lüt, wo us verschiidene Gründ freiwillig druf verzichde. Lääbensstandard isch also nit s gliiche wie Lääbenskwalidäät.

Dr Lääbensstandard druckt s reale Nivoo vo Bsitz und Konsumiere vo Güeter und Dienstläistige us und isch as e kwantitativi Gröössi objektiv mässbar. Mä cha eso dr materielli Woolstand und s füüsische Woolbefinde für e Persoon, e soziali Grubbe, r soziali Schicht, e bestimmts Gebiet oder e Staat vergliichbar mache.[1]

Noch em Ardikel 25[2] vo dr Allgemäini Erkläärig vo de Menscherächt het jeede Mensch e Rächt uf „e Lääbensstandard, wo sini Gsundhäit und Wool und die vo sinere Familie sicher stellt“. Drbii si Lääbensmiddel (Drinkwasser und Naarigsmiddel), Chläider, Woonig, ärztligi Versorgig und notwändigi soziali Läistige usdrücklig iigschlosse.

  1. ↑ Horst W. Opaschowski: Wohlstand neu denken: Wie die nächste Generation leben wird. Gütersloher Verlagshaus, 2009.
  2. ↑ Allgemäini Erkläärig vo de Menscherächt #Artikel 25 uf Wikisource.