| Lena Horne | |
|---|---|
 | |
| Date | |
| Geburtsname | Lena Mary Calhoun Horne |
| Uf d Wält cho | 30. Juni 1917 z Brooklyn, Nöi York |
| Gstorbe | 9. Mai 2010 in Manhattan, Nöi York |
| Genre | Pop, Dschääs |
| Beschäftigung | Sängere, Dänzere, Schauspiilere, Aktivistin |
| Instrument | Stimm |
| Aktiv | 1933 – 2000 |
| Label | MGM, RCA Victor, United Artists, Blue Note, Qwest/Warner Bros. Records |
| Het gspiilt mit | Harry Belafonte, Tony Bennett, Vic Damone, Judy Garland, Duke Ellington, Billy Strayhorn, Billie Holiday, Sammy Davis, Jr., Barbra Streisand, Teddy Wilson |
D Lena Mary Calhoun Horne (* 30. Juni 1917 z Brooklyn, Nöi York, † 9. Mai 2010 in Manhattan, Nöi York) isch en amerikanischi Sängere, Schauspiilere, Bürgerräächtsaktiwistin und Dänzere gsi.
Wo si sächzääni gsi isch, isch si im Chor vom Cotton Club ufdräte. Denn isch si uf Hollywood züüglet, und het chliini Rolle in e Hufe Film gspiilt und gröösseri in de Film Cabin in the Sky und Stormy Weather. In dr McCarthyeera isch si mit iire lingge Aasichte uf die Schwrzi Liste cho und het in Hollywood käi Arbet me gfunde.[1]
Si het den wider in Nachtklüb afo ufdräte. Im August 1963 isch d Horne bim Marsch uf Washington drbii gsi. Si isch witer in Nachtklüb und im Färnsee ufdräte, und het Album ufgnoo, wo guet aachoo si. Im Merz 1980 het si bekannt gee, ass si in d Bangsion wurd goo, isch denn aber in dr Schou Lena Horne: The Lady and Her Music ufdräte, wo uf em Broadwaz mee as dreihundert Mol ufgfüer worde isch. Bis in d 1990er isch si immer wider äinisch ufdräte oder het Blatte ufgnoo. Im Joor 2000 het si sich us dr Öffentligkäit zruggzooge.
- ↑ Lena Horne - About the Performer | American Masters | PBS. PBS. Abgrüeft am December 18, 2011.