Libertas (Film)

Dä Artikel behandlet dr kroatisch Film Libertas vom Reschissöör Veljko Bulajić. Für anderi Bedütige vom Begriff «Libertas» lueg doo.

Libertas esch e kroatische Film usem Jahr 2006 vom Reschissöör Veljko Bulajić. Es isch e biografische Film über e kroatisch Schriftsteller Marin Držić us Dubrovnik, wo im 16. Joorhundert gläbt het und stellt si Komflikt mit dr Oobrikäit vo dr Republik vo Ragusa, dr hütige Stadt Dubrovnik daar, wo s Motto von ere Libertas isch.

Dr Film isch s Come back vom Veljko Bulajić noch ere Pause vo sibzää Joor gsi. Si Brodukzioon isch lang und schwiirig gsi und wo dr Film schliesslig uusechoo isch, si d Erwartige hooch gsi. Grad so grooss isch denn aber d Entdüschig vo de Kritiker und vom Publikum gsi und d Iinaame si entsprächend miggrig uusechoo.