| Medina | |
|---|---|
| Basisdaate | |
| Staat: | Saudi-Arabie |
| Provinz: | Medina |
| Koordinate: | 24° 28′ N, 39° 37′ O |
| Höhe: | 608 m |
| Flechi: | 589 km² |
| Iiwooner: | 1.300.000[1] |
| Bevölkerungsdichte: | 2.966 Iiwooner/km² |
| Telefonvorwahl: | 966 (Land), 2 (Stadt) |
| Stadtgliederung: | 1 Bezirk |
| Offizielle Website: | www.amana-md.gov.sa/Pages/Home.aspx |
| Politik | |
| Bürgermeister | Abdulaziz Bin Majid |
Medina (von arabisch المدينة المنورة al-Madīna al-munawwara ‚die erlüüchteti Stadt‘; ursprünglige Naame Yathrib / يثرب / Yaṯrib, denn Madīnat an-Nabī = „Stadt vom Brofeet“) isch e Stadt mit öppe 1,3 Millione Iiwooner (2017)[1] im westligen Saudi-Arabie. Noch Mekka isch Medina die zwäitwichdigsti häiligi Stadt im Islam. D Stadt isch noch islamischem Rächt wie Mekka brinzipiell für Nitmuslime gsperrt.
Madīna isch au s allgemäine arabische Wort für „Stadt“. Hützudags wird dr Begriff au as e bsundrigi Bezäichnig für d Altstadt vo nordafrikanische Stedt verwändet (z. B. d „Medina vo Marrakesch“).