Hüte verstoot mä under em Begriff vom Messianismus jeedi religiöösi Häilserwartig, aber vilmol au nid religiöösi politisch-soziali, wo s Ändi vo dr Gschicht und s Choo vom ene Retter und Erlöser erwartet. Gschichtsfilosofie wo brimär wältlig brägt si, wärde mit religiööse Vorstellige verchnüpft. Us däm entstoot denn d Dransformazioon vom Glaube an e persöönlige Messias zur Idee vom ene Ändi vo dr Gschicht, wo politisch-soziali Hoffnige erfüllt wärde.
Us dere Hoffnig uuse häi sich immer wider soziali Beweegige bildet, wo s Ändi vo dr Gschicht und s Choo vom Messias häi welle beschlüünige.