.jpg)
Escherichia coli, äine vo de wichdigste Modällorganisme in dr Mikrobiologii (Sekundärelektronemikroskopii)
D Mikrobiologii (altgriechisch μικρός mikrós „chlii“, βίος bíos „Lääbe“, λόγος lógos „Wort“, „Leer“) isch e Däilgebiet vo dr Biologii. Es isch d Wüsseschaft und Leer vo de Mikroorganisme, also vo Lääbewääse, wo mä als Individue nit vo bluttem Aug cha gsee. Doodrzue ghööre Bakterie, Bilz, Protozoe (Urdierli), äi- und wenigzälligi Alge („Mikroalge“) und Wirus. Si wird iidäilt noch deene Grubbe vo Organisme, aber au noch em Lääbensruum vo de Mikroorganisme (Geomikrobiologii, Meeresmikrobiologii, Bodemikrobiologii) oder noch dr Aawändig in andere Diszipline (z. B. Medizinischi Mikrobiologii, Lääbensmiddelmikrobiologii, Technischi Mikrobiologii).