|
Dä Artikel beschäftigt sich mitem Stern Mira, anderi Bedütige vu dem Begriff findener under Mira |
 | |
| Beobachtigsdate Epoche J2000.0 | |
|---|---|
| Sternbild | Wal (Cetus) |
| Rektaszension | 2h 19m 20,70s |
| Deklination | -2° 58' 39,0" |
| schinbari Helligkait (V) | 2 - 10 |
| Entfernig | ~ 420 Lj (~ 128 pc) |
| Spektralklasse | M7IIIe+Bep |
| Anderi Bezeichnige | |
Bayer-Katalog : ο Ceti
Flamsteed-Katalog 68 Ceti | |
| Dialäkt: Markgräflerisch (Ebringe) |
D' Mira, ο Ceti (Omikron Ceti), isch e Doppelstern im Sternbild Wal, bestehend us em Rote Riise Mira A oder eifach Mira un em Wisse Zwerg Mira B oder VZ Ceti. D'Mira A isch e veränderliche Stern un Nammensgäberi fer d'Mira-Sterne. D'Mira lit in ca. 419 Liechtjohre Entfernig vu dr Erde.
D'Mira A isch e Rote Riis vu dr Spektralklasse M (Hipparcos Datebank). Si veränderet während ere Periode vu öppe 331 Däg ihri Lüchtchraft um einigi Grösseklasse. Weder d'Periode noch d'Helligkeitsminima un -maxima sin konstant. Im Maximum cha si die 2. Grösseklasse erreiche un isch no e uffällig helle Stern am Nachthimmel. Während em Minimum cha d'Helligkeit bis uf die 9. Grösseklassi absinke, so dass zue ihrer Beobachtig e Teleskop erforderlich wird. D'Mira het e middlere Durmesser vu ca. 550 Mio. km (ca. 390 Sunnedurmesser). Dodemit isch d'Mira so gross, dass s'Hubble Space Telescope dr Stern as Schiibe un nummenu nit als Punkt uflöse cha.
Entdeckt worre ich d'Mira vum ostfrisische Pfarrer un Amateurastronom David Fabricius am 13. August 1596. Anno 1639 het no dr Johann Ph. Holwarda entdeckt, dass d'Mira ihri Helligkeit meh oder wäniger regelmässig änderet. Ufgrund vu sällere seltsame Eigeschaft het dr Stern si Namme - Mira, die "Wundersam" - erhalde. 1923 isch vum R.G. Aitken e schwache Begleiter (VZ Ceti) gfunde worre, wo d'Mira mit ere Periode vu ca. 400 Johre umchreist.
|
Dä Artikel basiert uff ere fräie Übersetzig vum Artikel „Mira_(Stern)“ vu de dütsche Wikipedia. E Liste vu de Autore un Versione isch do z finde. |