En Ortsnaame, fachlig Oikonym (vo altgriechisch οἶκος oíkos ‚Huus‘ und -onym), isch dr Naame von ere Siidlig. Das chan en Äinzelhoof, e Wiiler, e Dorf oder e Stadt, aber au en ehemooligi Siidlig si. Zu de Ortsnääme ghööre au d Nääme vo de Elimänt vo de Siidlige, wie Geböid und anderi Infrastrukturdäil (Oikodonym). Eme Ort, wo s kä Siidlig git, git män e Fluernaamet. D Wüsseschaft wo sich mit dr Erforschig vo Ortsnääme befasst, häisst d Toponomastik.
Ortsnääme si entstande so dass mä sich in dr Umwält het chönne zrächtfinde und mä d Rächt an Bsitz äidütig het chönne festleege.