D Oschtgoote sind es germanischs Volch gsii.
Me dänkt, ass si vom eltere Volch vo de Greutunge chöme, wo i de Länder a dr undere Donau im Piet vom Römische Rych gsi sind.
Dr König Theoderich dr Grooss het am Ändi vom füüfte Joorhundert für Oschtroom mit sym Heer s Land Itaalien eroberet. Em Theoderich sy Königspalascht isch z Ravenna gsi.
Eerscht i dr Middi vom sächste Joorhundert isch s sälbständigen Oschtgooterych vo de Byzantiner underwoorffe worde, und es paar Joor drufabe sind d Langobarde uff Itaalie cho; denen iires Rych het’s de bis im spoote achte Joorhundert gää.