Dr Otto Eduard Leopold von Bismarck-Schönhausen, ab 1865 Graf, ab 1871 Fürst von Bismarck, ab 1890 Herzog zu Lauenburg[1] (* 1. April 1815 z Schönhausen; † 30. Juli 1898 z Friedrichsruh bi Hamburg) isch e dytsche Bolitiker un Staatsmann gsii. Vu 1862 bis 1890 – mit ere churzen Unterbräching anne 1873 – isch er Minischterbresidänt vu Preuße gsii, vu 1867 bis 1871 derzue au Bundeschanzler vum Norddytsche Bund un vu 1871 bis 1890 erschte Ryychschanzler vum Dytsche Ryych gsii, wu är d Grindig dervu firschi dribe het.
- ↑ Dr Bismarck het no dr Darstellig vum Volker Ullrich (Otto von Bismarck. 4. Auflage, Rowohlt, Reinbek 1998) dr Titel vun eme Herzog zu Lauenburg konsequänt abglähnt un au Poscht retuurgschickt, wu eso adrässiert gsii isch.