De Peter Bichsel (* 24. März 1935 z Luzärn) isch en Schriftsteller us de Schwiiz. Er isch z Olte inere Handwärcherfamilie ufgwachse und läbt hüt z Bäuch bi Soledurn. Det isch er Lehrer gsi. Spöter häd er Tüütsch a de Kunschtgwärbschuel z Züri gee. Zwüsched 1974 und 1981 isch er persönliche Berater vom Bundesrat Willi Ritschard gsi. De Bichsel schriibt vor alem churzi Gschichte und Kolumne. En grosse Erfolg häd er mit Eigentlich möchte Frau Blum den Milchmann kennenlernen (1964) gha. Er schriibt uf hochtüütsch. E Ziit lang häd er e Kolumne i de Schwiizer Illustrierte gha.