Ruumornigsregione sin e Inschrumänt vù dr Ruumornig in dr Bundesrepublik Dydschland. S gid 96 Ruumornigsregione, d Abgränzig good in dr Reegle no dr Gränze vù dr ainzelne Bùndesländer. Uusnaame doodervù bilde d Ruumornigsregion 13 (Bremerhave), wù nebe der Stadt Bremerhave au di nidersächsische Landchrais Cuxhave ùn Wesermarsch ùmfasd, d Region Donau-Iller (Baade-Wiirdebäärg ùn Bayern) ùn d Metropolregion Ryy-Necker (Baade-Wiirdebäärg, Ryyland-Pfalz ùn Hesse).
D Ruumornigsregione wääre us dr NUTS-3-Regione bilded (Chrais, chraisfrèii Schded, derzue Hamburg ùn Berlin). Uuser dr Schdadschdaade sin d Ruumornigsregione groosryymigi, funktional abgränzdi Ruumainhaide fir Ruumornigsberiichderschdadig vùm Bùnd. Doderbyy wird e ekonomisch Zäntrum ùn syy Ùmland bschriibe, wichdig sin z. B. Pändlerverfläächdige. D Ruumornigsregione sin in dr Reeegle au d Blaanigsregione vù dr Länder. Uusnaame doodervù sin:
- Z Niidesachse wird d Regionalblaanig dùr d Chrais ùn di chraisfrèie Schded dùrgfierd
- Z Nordryy-Weschdfaale ùn z Hesse dùr d Regierigsbezirk
- Z Schleswig-Holstein dùr s Land
- Im Saarland gid s kai Regionalblaanig.
Anderi Byybschbel vù funktionälle Abgränzige sin dydschi Aarbedsmäärdregione oder europäischi Funktional Urban Areas (ESPON – European Spatial Planning Observation Network).
| Iibersiichd vù Ruumornigsregione z Dydschland no Bùndesländer: | ||
|
|
|
|
Dä Artikel basiert uff ere fräie Übersetzig vum Artikel „Raumordnungsregion“ vu de dütsche Wikipedia. E Liste vu de Autore un Versione isch do z finde. |