| Renminbi | |
|---|---|
| Land/Länder |  Volksrepublik China
|
| Underdeilig | 1 Yuán = 10 Jiǎo = 100 Fēn |
| Abchürzig | ¥, RMB |
| Abchürzig (ISO-4217) | CNY |
| Wechselkurs (7. Oktober 2019) |
1 EUR = 7,858 CNY 100 CNY = 12,726 EUR 1 CHF = 7,194 CNY 100 CNY = 13,901 CHF |
| Chleinsti Münze | 1 Fen |
| Gröschte Schyn | 100 Yuan |
Dr Renminbi (chin. 人民幣 / 人民币, rénmínbì „Volkswährig“) isch d Währig vo dr Volksrepublik China. Si wird vo dr People's Bank of China usege. Die internationali Abchürzig noch ISO 4217 isch CNY. Z China sälber wird RMB bruucht. S Symbol isch ¥. D Eiheite vo dr Währig si dr Yuán (元, formell: 圆, Eihheit), Jiǎo (角) und Fēn (分). Ei Yuan entspricht 10 Jiao bzw. 100 Fen.
Umgangssprochli wird anstatt Yuán hüfig Kuài (块, Stück) und anstatt Jiǎo wird Máo (毛, Hoor) bruucht.
Dr Renminbi isch en intärni chinesischi Währig, wo nit im internationale Handel bruucht oder ghandlet wird. Me cha chinesischs Gäld international nit überwiise. Dr Wächselkurs wird vo dr chinesische Regierig noch eigenem Ermässe festgleit und wird nit diräkt vo wirtschaftlige Faktore bestimmt.