| Dialäkt: Mìlhüüserdiitsch |
Dr Robert Brasillach 
[ʁɔbɛʁ bʁazijak](info) (* 31. März 1909 z’ Perpignan; † 6. Hornung 1945 z’ Arcueil, Département Val-de-Marne) ìsch a iiflussriicher frànzeescher Schrìftschtäller, Dìchter, Schurnàlìscht un Fìlmkritiker gsìì. Bekànnt gsìì ìsch’r àui fìr siina rachtsextreema politischa Mainunga. Ar ìsch bii dr nàzionàlìschta Beweegung Action française gebìlda worra un hàt àb da Joohra 1930 fàschìschta Schtàndpunkta vertratta. Wahrem Zwaita Waltkriag ìsch’r Redakzioonslaiter vu dr àntijìddischa Zittschrìft Je suis partout gsìì un hàt mìt dr diitscha Besätzungsmàcht ìn Frànkrììch kollàboriart. Wagadam ìsch’r ìn da Süüferungsàkzioona noh dr Befräijung vu Frànkrììch verhàfta un hìngrìchta worra.