S-Bahn Basel

S-Bahn Basel	S-Bahn Basel
Linienplan trireno 2022 Staat Schwiiz, Dütschl., Frankr. Linie 8 Streckelängi 357 km Statione 108 Passagier 47 Mio. (2019) Betriiber SBB, SBB GmbH, DB Regio, SNCF Voyageurs
S-Bahnen in der Schweiz

Die trinazionaali S-Baahn Baasel (früener: Regio-S-Baan Baasel) verbindet sit 1997 die trinazionaali Agglomerazioon Baasel mit zwäi andere Groosstedt, Mülhuuse z Frankriich und Freiburg im Brisgau z Dütschland und iire Agglomerazioone. Si bestoot us im Ganze acht S-Baan-Linie und wird vo mee as 47 Millioone Bassaschier^[1] bro Joor benützt. Usser de Linie S5 und S9, wo nit uf Baasel faare, si hüte d Änstazioone vo sämtlige Linie d Baanhööf Basel SBB und Basel Bad Bf. D S-Baan Baasel wird vo de Schwizerische Bundesbaane, deren iiri dütschi Dochdergsellschaft SBB GmbH, dr Dütsche Baan (DB Regio) und dr Société nationale des chemins de fer français (SNCF Voyageurs) betriibe.

Bstellt häi d S-Baan Baasel d Kantöön Aargau, Baasel-Stadt, Baasel-Landschaft, Jura, Soledurn, s Land Baade-Württebärg und d Région Grand Est.

Sit 2016 wird s Aagebot vo dr trinazionaale S-Baan Baasel under em Naame trireno^[2] witerentwigglet. Under em gliiche Naame häi d Bsteller sit 2018 e gmäinsaami Koordinazioonsblattform für d Blaanig vom zuekümftige Aagebot, wo über alli Gränze üübere abgstimmt isch.^[3] Die früeneri Bezäichnig Regio-S-Baan wird nüme verwändet.

1. ↑ trireno (Hrsg.): Geschäftszahlen 2019. 
2. ↑ Homepage – trireno – Trinationale S-Bahn Basel. Abgruefen am 19. November 2020. 
3. ↑ Organisation – trireno – Trinationale S-Bahn Basel. Abgruefen am 19. November 2020.