SQL isch e Datebanksprooch zur Definiton vo Datestrukture i relationale Datebanke und zum Bearbeite (Iifüege, Verändere, Lösche) und Abfrooge vo de druff basierende Datebeständ.
D Sprooch basiert uf de relationale Algebra, ihri Syntax isch recht eifach ufbaut und semantisch a di englisch Umgangssprooch aaglehnt. E gmeinsams Gremium vo de ISO und de IEC standardisiert d Sprooch under de Mitwirkig vo nationale Normigsgremie wie ANSI oder DIN. Fasch alli gängige Datebanksystem unterstützed SQL - allerdings i unterschiedlichem Umfang und liecht vonenand abwiichende «Dialäkt». Dur de Iisatz vo SQL strebt me d Unabhängigkeit vo de Aawendige vom iigsetzte Datebankmanagementsystem aa.