| Dialäkt: Baseldütsch |
S Schaulaager isch e Museum und Laagerhuus für Kunst.
S Schaulaager isch im Ufdraag vo dr Laurenz-Stifdig vom Baasler Archidekturbüro Herzog & de Meuron z Münchestäi bi Baasel baut worde. 2003 isch s eröffnet worde.
Es isch as offnigs Laagerhuus konzipiert mit optimale rüümlige und klimatische Bedingige für zum Kunstwärk uf z bewaare. Vom Konzäpt här isch s e Mischig vom ene öffentlige Museum, eme Kunstlaager und eme Kunstforschigsinstidut.
D Sammlig vo dr Emanuel Hoffmann-Stifdig, wo s Härz vom Schaulaager bildet, isch 1933 vo dr Maja Hoffmann-Stehlin, dr spöötere Maja Sacher (1898–1989), begründet worde.