Scrubs

Scrubs isch en US-Amerikanischi Chrankehuusserie, wo 2001 vom Bill Lawrence gründet worde isch.
D Serie got ums Läbe vo junge Ärzt, wie si sich im Chrankehuus z'rächt finde. Do derbi wärde dramatischi und luschtigi Szene vermischt und händ e grosse Bitrag zur Beliebtheit vo Scrubs bitreit.

D Hauptfigur isch de JD, John Michael Dorian (Zach Braff). Er isch de Erzähler vo de Serie und es wird em Zueschauer immer wider en Iiblick i sini Gedanke gschtattet. Er het immer wider verückti Tagtröim.

Die andere Hauptfigure sind:

• Em JD sin beschti Fründ, de Christopher Duncan Turk (Donald Faison), er isch Chirurg und er und de JD mache sehr vill mitenand.
• Em JD sini Kollegin, d Eliot Read (Sarah Chalke), si isch sehr ehrgizig und het im Verlauf vo de Serie mehreri Beziehige mit em JD.
• D Carla Espinosa (Judy Reies). Si isch Chrankeschwöschter und cha nid ufhöre anderi z'belehre. Später i dr Serie isch si denn mit em Chris Turk verhürotet.