Spiilzüüg isch en Objekt, wo zum Spiile verwändet wird. Dr Begriff Spiilzüüg wird üübligerwiis mit Chinder oder au mit Husdier assoziiert, es isch aber au nit ungwöönlig, ass Erwaggsnigi oder Dier, wo nit domestiziert si, mit Spiilzüüg spiile. E Spiilzüüg wird für sich sälber oder wäge dr Fröid gschetzt, wo mä het, wemm mä mit em spiilt.
Bis zur Industrialisierig si die mäiste Spiilzüüg vo dene gmacht worde, wo au mit ene gspiilt häi. Spiilzüüg, wo Handwärker härgstellt häi, si für die mäiste unerschwinglig gsi. Mit dr Industrialisierig het mä Masse vo Spiilzüüg afo broduziere, und si si au immer billiger worde, vor allem wenn si us Blastik gmacht Spiilzüüg, wo mit em ghandlet wird, wird under em Begriff Spiilware zämmegfasst.