Dr Steven Allan Spielberg, KBE (* 18. Dezämber 1946 z Cincinnati, Ohio) isch en amerikanische Reschissöör, Broduzänt, Dräibuechautor und Schauspiiler. Vom Gäld us, wo sini Film verdient häi, isch er bis hüte dr erfolgriichsti Reschissöör[1] und Broduzänt.[2]
Zu sine bekanntiste Film, wo vilmol vo Dröim, Ängst und Abentüür brägt si,[3] ghööre u. a. Der weiße Hai (1975), E.T. – Der Außerirdische (1982), Jurassic Park (1993), Schindlers Liste (1993), Der Soldat James Ryan (1998), Minority Report (2002) und die vierdäiligi Indiana-Jones-Räije (1981–2008).
- ↑ Box Office Mojo - People Index (Diretor). Abgruefen am 7. September 2013.
- ↑ Box Office Mojo - People Index (Producer). Abgruefen am 7. September 2013.
- ↑ Zeitlexikon, Band 14, Seite 15, ISBN 3-411-17574-5