| Stimmhafter alveolarer Frikativ | ||
|---|---|---|
| IPA-Nummere | 133 | |
| IPA-Zeiche | z | |
| IPA-Bildli | 
| |
| Teuthonista | ṣ | |
| X-SAMPA | z | |
| Kirshenbaum | z | |
De stimmhafti alveolari Frikativ isch en Konsonant. S Zeiche im IPA defür isch z. Des Zeiche stoot glychzitig au für di stimmhafti dentale un postalveolare Frikativ.
Im Gegesatz zum Standarddytsch chunnt dr stimmhaft alveolar Frikativ im Alemannisch fascht nit vor. Nume ganz im Side bi ne Deil Südwalserdialäkt git s e stimmhaft [z] as Phonem unter em Yyfluss vum Romanisch, z. B. z Arrimmu, z Remmalju un Im Land.
In dr meischte Schwyzer un bodeseealemannische Dialäkt wird unterschide zwischen eme stimmlose Lenis /z̥/ (entstande us eme germanische s) un eme stimmlose Fortis /s/ (entstande us eme verschobene germanische t).
In dr oberryyalemannische un schwebische, aber au im nordweschtliche Hochalemannisch isch dur d Konsonanteschwechig d Unterscheidig zwische em germanische s un em verschobene germanische t verlore gange, un di bode Lut sin in eme stimmlos Lenis [z̥] zämmegfalle.