Swiss

Swiss International Air Lines
Logo der Swiss
IATA-Code: LX
ICAO-Code: SWR
Ruefzeiche: SWISS
Gründig: 2002
Sitz: Basel, Schwiiz
Dreihchrüz:

Züri

Heimatflughafen: Züri
Undernähmensform: Aktiegsellschaft
ISIN: CH0013269698
IATA-Prefixcode: 724
Leitig: Dieter Vranckx (CEO)[1]
Reto Francident
(VR-Presidänt)
Markus Binkert (CFO)
Mitarbeiterzahl: 9563 (31. Dezämber 2019)[2]
Umsatz: 5,33 Mrd. CHF (2019)[3]
Fluggastufkomme: ▲ 18,78 Mio. (2019)[4]
Allianz: Star Alliance
Vilfliegerbrogramm: Miles and More
Flottesterki: 66 (+8 Bstellige)
Ziil: national und international
Dr Sitz vo Swiss, Flughafe Basel Mulhouse Freiburg
Swiss House (スイスハウス Suisu Hausu), Tokio - vom japanische Büro vo dr Swiss International Airlines[5]

D Swiss International Air Lines[6] isch e Schwiizer Fluggsellschaft mit Sitz in Basel. D Swiss isch zu 100 Brozänt e Dochterundernähme vo dr Dütsche Lufthansa AG und dr Flughafe Züri isch ihre Heimetflughafe. D Swiss het im Johr 2009 – bim ene durchschnittlige Sitzladfaktor für s ganze Streckenetz vo 80,1 % – 13,8 Millione Bassaschier beförderet (2008: 13,5 Millione; 2007: 12,2 Millione 2019 18,78 Milione)[7] und isch die grössti Fluglinie in dr Schwiiz. S Streckenetz vo dr Swiss umfasst 90 Ziil (58 europäischi und 32 interkontinentali) in 42 Länder (Summerflugblan 2009)

Noch dr Insolvänz vo dr Swissair im Oktober 2001, wo die nationali Fluggsellschaft vo dr Schwiiz gsi isch, isch d Basler Regionalfluggsellschaft Crossair mit ere Statutenänderig vom 13. Mai 2002 in Swiss International Air Lines umbenennt worde[6][8] und het e Deil vo dr Flugzüügflotte vo dr Swissair übernoh. D Swiss isch aber us de finanzielle Schwiirikeite nid uuse cho, und 2005 het dr Lufthansa-Konzärn d Swiss für 310 Millione Euro kauft.

  1. ↑ SWISS: Management Board
  2. ↑ Unternehmensprofil – swiss.com, abgerufen am 28. November 2020.
  3. ↑ SWISS erzielte 2019 einen Gewinn von CHF 578 Millionen, abgerufen am 28. November 2020.
  4. ↑ SWISS mit erneutem Passagierrekord im Jahr 2019 – swiss.com, abgerufen am 28. November 2020.
  5. ↑ "SWISS-Vertretungen weltweit (Memento vom 4. Juli 2011 im Internet Archive)." Swiss.
  6. ↑ 6,0 6,1 Swiss International Air Lines AG Iidrag im Handelsregister vom Kanton Basel-Stadt
  7. ↑ Swiss Pressmiddeilig vom 12. Januar 2009: SWISS im Jahr 2008 mit Passagier und Frachtrekord: Wirtschaftskrise hinterlässt Spuren im Dezember
  8. ↑ Publikation vo de Namesänderig im Schwizerische Handelsamtsblatt vom 4. Juli 2002