De Tenzin Gyatso (tibetisch: བསྟན་འཛིན་རྒྱ་མཚོ་, bstan ´dzin rgya mtsho [tɛ̃ ́tsĩ càtsʰo]; * 6. Juli 1935 z Taktser, Provinz Amdo, Osttibet als Lhamo Dhondrub), besser bikannt as de Dalai Lama isch s politische und s religiööse Oberhopt vo de Tibeter. Er lebt sit ane 1959 im Exil und raist hüt vill i de Welt ume, um di budhistische Lehr und de Weltfride z verchünde. Er het ane 1989 de Fridesnobelpriis öbercho.