Gloobabyyr, i de Schwyz AB-Bapyyr, isch e Art Tissue-Babyyr us Zällstoff, wu mer bruucht zum Abwische noch em Schysse oder Brunze. S Gloobabyyr vergheit in dr Kanalisazioon, in e Dail Länder isch s nit gängig, ass mer s Gloobabyyr aabespielt. S Gloobabyyr isch zmaischt uf Rolle us Bappe ufgwickelt. S bstoot in dr Regle us e baar Laage, isch zmaischt 10 cm brait un isch perforiert, ass mer s guet cha abrysse. Härgstellt wird dr Zällstoff vor allem us em Holz vu Foore, Danne un Birke, sälte au vu Eukalyptusbaim.
